විද්යාත්මකව බැලුවොත්, ඔබේ හිසකෙස් ගසක් හරියට ඔබේ ශරීරයේ "කාල සටහනක්" වගෙයි. කෙනෙකුගේ රුධිරයේ හෝ ශරීරයේ අඩංගු වූ දේවල් (උදාහරණයක් ලෙස ඖෂධ, විටමින් වර්ග හෝ ලෝහ වර්ග) ගැන තොරතුරු හිසකෙස් පරීක්ෂාවෙන් සොයාගන්න පුළුවන්. හිසකෙස් ගසක් මගින් කෙනෙකුගේ ස්ත්රී පුරුෂ භාවය හඳුනාගත නොහැකි වීම පුදුමයක් නේද? කොණ්ඩය පරීක්ෂා කර එය පිරිමියෙකුගේද ගැහැනියෙකුගේද කියා ස්ථිරවම කිව නොහැකියි.
සාමාන්යයෙන් නිරෝගී පුද්ගලයෙකුගේ හිසකෙස් ගසක් වසර 2 සිට 7 දක්වා කාලයක් පවතිනවා. ඉන්පසු එය හැලී ගොස් අලුත් කෙස් ගසක් ඒ වෙනුවට වර්ධනය වෙනවා. දිනකට හිසකෙස් ගස් 50 සිට 100 දක්වා ප්රමාණයක් හැලීම ඉතා සාමාන්ය දෙයක්.හිසකෙස් වල වර්ණය තීරණය කරන්නේ මෙලනින් (Melanin) කියන වර්ණකයයි. වයසට යන විට මෙම වර්ණකය නිපදවීම අඩුවන නිසා කොණ්ඩය සුදු වෙනවා. ලෝකයේ දුර්ලභම ස්වභාවික හිසකෙස් වර්ණය වන්නේ "රතු" පැහැයයි.
ඔබ දන්නවාද? හිසකෙස් තෙත් වූ විට එහි සාමාන්ය දිගට වඩා 30% ක් පමණ ඇදීමට (Stretch) ලක්විය හැකියි. එමෙන්ම වියළි හිසකෙස් වලට වඩා තෙත් හිසකෙස් බරින් වැඩියි. ඒ නිසා තමයි තෙත කොණ්ඩය පීරන විට කෙස් ගස් කැඩී යාමේ ප්රවණතාව වැඩි වන්නේ.රස්නය වැඩි කාලගුණයකදී හිසකෙස් වර්ධනය වේගවත් වන බව සොයාගෙන තිබෙනවා. උණුසුම් කාලගුණයේදී රුධිර සංසරණය වැඩි වීම මෙයට හේතුවයි. නමුත් ශීත කාලගුණයේදී හිසකෙස් වර්ධනය තරමක් මන්දගාමී වෙනවා.ඇත්තටම අපට පෙනෙන්නට තිබෙන හිසකෙස් කියන්නේ "මියගිය" (Dead cells) සෛල වලටයි. අපිට කොණ්ඩය කපන විට රිදෙන්නේ නැත්තේ ඒ නිසයි. ජීවී කොටස තිබෙන්නේ හිස්කබල ඇතුළේ ඇති කෙස් මුලෙහි පමණයි.
අපේ සිරුරේ තිබෙන මේ වටිනා "ස්වභාවික කිරුළ" රැකබලා ගැනීම අපේම වගකීමක්. එබැවින් කෘතිම රසායනික ද්රව්ය අවම කර, ස්වභාවික සත්කාර මගින් ඔබේ කෙස් කළඹ සුරැකීමට අදම පියවර ගන්න!
