6️⃣ ව්‍යාපාරයට අවශ්‍ය බලපත්‍ර සහ අවසර ලබාගන්නේ කොහොමද?

ව්‍යාපාරයක් ආරම්භ කරනකොට අපි සාමාන්‍යයෙන් හිතන්නේ,
“මුදල් හොයාගත්තා. තැනක් හොයාගත්තා. භාණ්ඩත් තියෙනවා. දැන් වැඩේ පටන් ගන්න පුළුවන්.” කියලයි. ඒත් තවත් වැදගත් දෙයක් තියෙනවා.

👉🏻 ඔබේ ව්‍යාපාරය නීත්‍යානුකූලව පවත්වාගෙන යන්න අවශ්‍ය බලපත්‍ර සහ අවසර ලබාගෙන තිබෙනවාද? ව්‍යාපාරය ආරම්භ කිරීමට කලින් මේ ගැන සොයා බැලීම අනිවාර්යයි.

🪪 Business License සහ Business Permit එක එකම දෙයක්ද?
මේ දෙක එකිනෙකට සමාන වගේ පෙනුණත්, සාමාන්‍යයෙන් ඒවායේ අරමුණ වෙනස්.

▪️ Business License
👉🏻 සරලව කියනවා නම්, යම් ප්‍රදේශයක නිශ්චිත ව්‍යාපාරයක් පවත්වාගෙන යාමට ඔබට අවසර ලබාදෙන ලියාපදිංචියක් හෝ බලපත්‍රයක්. සෑම ව්‍යාපාරයකටම එකම ආකාරයේ බලපත්‍ර අවශ්‍ය වෙන්නේ නැහැ. ව්‍යාපාරයේ ස්වභාවය අනුව අවශ්‍යතා වෙනස් වෙන්න පුළුවන්.
👉🏻 උදාහරණයක් විදිහට, සාමාන්‍ය වෙළඳසැලකට අවශ්‍ය බලපත්‍ර සහ ආහාර අලෙවි කරන ස්ථානයකට අවශ්‍ය බලපත්‍ර එකම නොවෙයි.

▪️ Business Permit
👉🏻 ව්‍යාපාරය පවත්වාගෙන යන ආකාරය සෞඛ්‍ය, ආරක්ෂාව, පරිසරය, ගොඩනැගිලි සහ භාණ්ඩ අලෙවිය වැනි නීති හා ප්‍රමිතීන්ට අනුකූල බව පෙන්වන අවසරයක් හෝ ලේඛනයක් විය හැකියි. ඒ නිසා එක් බලපත්‍රයක් තිබුණා කියලා ඔබේ ව්‍යාපාරයට අවශ්‍ය සියලුම අවසර ලැබුණා කියලා හිතන්න එපා.

👉🏻 එක බලපත්‍රයක් තිබුණා කියලා හැම දෙයක්ම කරන්න පුළුවන්ද? නැහැ. උදාහරණයක් ගමු.
▪️ ඔබට Restaurant එකක මත්පැන් අලෙවි කිරීමට අවසරයක් ලැබුණා කියලා හිතමු. ඒකෙන් අදහස් වෙන්නේ ඔබට එම ස්ථානයේම මත්පැන් නිෂ්පාදනය කරන්නත් අවසර තියෙනවා කියන එක නෙවෙයි. නිෂ්පාදනය සඳහා වෙනම බලපත්‍රයක් හෝ අවසරයක් අවශ්‍ය වෙන්න පුළුවන්.

👉🏻 මේකෙන් අපිට වැදගත් පාඩමක් ඉගෙනගන්න පුළුවන්.

> “මට License එකක් තියෙනවා” කියන එකට වඩා, “මගේ ව්‍යාපාරයට අවශ්‍ය සියලුම License සහ Permits තියෙනවාද?” කියන එක වැදගත්.

🔍 ඔබේ ව්‍යාපාරයට මොනවාද අවශ්‍ය?
මේක තීරණය වෙන්නේ ප්‍රධාන වශයෙන් කරුණු කිහිපයක් මත.
1. ඔබේ ව්‍යාපාරය මොන වර්ගයේද?
👉🏻 Restaurant එකක්ද?
👉🏻 Retail Shop එකක්ද?
👉🏻 Food Manufacturing Business එකක්ද?
👉🏻 Beauty Salon එකක්ද?
👉🏻 Transport Service එකක්ද?
👉🏻 Online Business එකක්ද?
ව්‍යාපාරයේ ස්වභාවය අනුව අවශ්‍ය අවසර වෙනස් වෙන්න පුළුවන්.

2. ව්‍යාපාරය තියෙන්නේ කොහෙද?
👉🏻 එකම ව්‍යාපාරයකට වුණත් ප්‍රදේශය අනුව අවශ්‍යතා වෙනස් විය හැකියි. ඒ නිසා ඔබේ ව්‍යාපාරය තියෙන ප්‍රදේශයට අදාළ රාජ්‍ය ආයතන සහ පළාත් පාලන ආයතන හරහා අවශ්‍යතා පරීක්ෂා කරන්න.

3. ඔබේ ව්‍යාපාරය සෞඛ්‍ය හා ආරක්ෂාවට සම්බන්ධද?
👉🏻 ආහාර, ඖෂධ, සෞඛ්‍ය සේවා, දරුවන් සම්බන්ධ සේවා වැනි ක්ෂේත්‍රවලදී අමතර නීති සහ අවසර අවශ්‍ය විය හැකියි.

4. ගොඩනැගිල්ල සහ ස්ථානය සුදුසුද?
👉🏻 ඔබ තෝරාගත් ස්ථානයේ එම ව්‍යාපාරය පවත්වාගෙන යාමට අවසර තිබෙනවාද කියලාත් පරීක්ෂා කරන්න. හොඳ ව්‍යාපාරික අදහසක් තිබුණා කියලා, ඕනෑම ස්ථානයක ඒක පවත්වාගෙන යන්න බැහැ.

🏛️ ඇයි රජය මේවා පරීක්ෂා කරන්නේ?
👉🏻 බලපත්‍ර ලබාදීමේදී අදාළ ආයතන සාමාන්‍යයෙන් බලන්නේ,
* මෙම ව්‍යාපාර වර්ගය එම ප්‍රදේශයේ පවත්වාගෙන යාමට සුදුසුද?
* එම ස්ථානයට අදාළ නීති හා භාවිත නියමයන්ට ව්‍යාපාරය ගැළපෙනවාද?
* ජනතාවගේ සෞඛ්‍යයට සහ ආරක්ෂාවට අවදානමක් තිබෙනවාද?
* ව්‍යාපාරය නීතිමය හා ආරක්ෂිත ආකාරයෙන් පවත්වාගෙන යා හැකිද?
වැනි කරුණු. මේවා ව්‍යාපාරිකයාට කරදර කරන්න තියෙන නීති නෙවෙයි. ව්‍යාපාරය, ගනුදෙනුකරුවන් සහ සමාජය ආරක්ෂිතව තබාගැනීමත් එහි අරමුණක්.

💰 බලපත්‍ර වියදම් Business Plan එකට ඇතුළත් කරන්න
👉🏻 බලපත්‍ර, ලියාපදිංචි ගාස්තු සහ අවසර ලබාගැනීමට යන වියදම් ව්‍යාපාරය ආරම්භ කිරීමට පෙරම ගණනය කරන්න. ඒවා අමතක කරලා Business Plan එකක් හදලා පස්සේ,
“අපි මේ වියදම ගැන හිතුවේ නැහැනේ!” කියන තත්ත්වයට පත්වෙන්න එපා. ඔබේ Initial Startup Cost එකටත්, ඉදිරියේදී ගෙවීමට සිදුවන Renewal Fees වැනි වියදම්වලටත් අවධානය දෙන්න.

⚠️ “මම දැනගෙන හිටියේ නැහැ” කියන එක විසඳුමක් නෙවෙයි
👉🏻 ව්‍යාපාරිකයෙකු ලෙස ඔබේ ව්‍යාපාරයට අදාළ නීති සහ බලපත්‍ර ගැන දැනුවත් වීම ඔබේ වගකීමක්. “මේ නීතිය ගැන මම දැනගෙන හිටියේ නැහැ.” කියලා පසුව ගැටලුවකින් ගැලවෙන්න හැමවිටම බැහැ. බලපත්‍ර නොමැතිව ව්‍යාපාරයක් පවත්වාගෙන යාමෙන් දඩ, ව්‍යාපාරය තාවකාලිකව හෝ ස්ථිරව වසා දැමීම වැනි ගැටලු ඇති විය හැකියි. ඒ නිසා පටන්ගන්න කලින්ම සොයා බලන්න.

⭐ අවසානයේ මතක තබාගන්න
👉🏻 ව්‍යාපාරයක් සාර්ථක කරගන්න නම් **හොඳ නිෂ්පාදනයක් සහ හොඳ Marketing එකක් විතරක් ප්‍රමාණවත් නැහැ. ව්‍යාපාරය නීත්‍යානුකූලව සහ නිවැරදිව පවත්වාගෙන යාමත් ඒ තරම්ම වැදගත්. ඒ නිසා ව්‍යාපාරය ආරම්භ කිරීමට පෙර,

▪️ ව්‍යාපාර වර්ගය හඳුනාගන්න → අවශ්‍ය බලපත්‍ර සොයන්න → අදාළ ආයතනවලින් තහවුරු කරගන්න → අවසර ලබාගන්න → ඉන්පසු ව්‍යාපාරය ආරම්භ කරන්න.

> නීතියට අනුකූලව පටන්ගන්න ව්‍යාපාරයකට ඉදිරියට යන්න බය වෙන්න දෙයක් අඩුයි.

👉🏻 මුලදී ටිකක් කාලය සහ මුදල් වැය වුණත්, නිවැරදි බලපත්‍ර ලබාගෙන ව්‍යාපාරය ආරම්භ කිරීම අනාගතයේදී විශාල කරදර, වියදම් සහ නීතිමය ගැටලු වලින් ඔබව ආරක්ෂා කරයි.

ඊළඟ කොටසින් හමුවෙමු.